Javën tjetër rikthehet dielli, ndërsa fundjava pritet të jetë sërish me reshje shiu

Reshjet intensive shiut do të na shoqërojnë edhe gjatë të shtunës, më të përqendruara në jug të vendit. Për pasojë, niveli i lumit Vjosë do të rritet, duke shkaktuar përmbytje lokale, por jo masive.

ANIRA GJONI
IGJEO

“Gjatë pasdites së sotme dhe ditën e nesërme në qarqet e Gjirokastrës, Vlorës dhe Korçës presim reshje shumë intensive. Për shkak të reshjeve, do të ketë vërshime të shpejta dhe lumenjtë e vegjël dhe përrenjtë do të krijojnë problematika. Kemi një rritje të nivelit të lumit Vjosë, por nuk do të shkaktojë problematika. Mund të shkaktojë përmbytje lokale, por jo masive.”

Reklamë

Nga e diela, vendin do ta zënë ditët me diell, të cilat do të jenë prezente edhe gjatë gjithë javës tjetër.

ANIRA GJONI
IGJEO

“Të dielën paradite presim të kemi një qetësim të situatës. Ditën e hënë dhe në vazhdim do të kemi mot të qëndrueshëm.”

Java e ardhshme do të shoqërohet edhe me një rënie të ndjeshme të temperaturave, tipike për muajin dhjetor.