Java nis mbarë/ Rënie e ndjeshme e të infektuarve
Këtë fillim jave u raportuan vetëm dhjetë raste të reja me koronavirus në Shqipëri.
Zëvendësministrja e Shëndetësisë, Mira Rakacolli deklaroi këtë të hënë se në 24 orët e fundit janë testuar 212 persona të dyshuar si të prekur.
Nga dhjetë rastet e reja, nëntë i takojnë Tiranës, ndërsa një në Shkodër.
“Gjatë 24 orëve të fundit janë testuar 212 persona të dyshuar me COVID-19. Nga rezultatet e testimeve janë konfirmuar 10 raste pozitive me COVID19, nga të cilat 9 raste janë në Tiranë, shumica kontakte familjare, dhe 1 rast i ri është në Shkodër. Deri në këto momente janë testuar 7491 raste të dyshuara dhe prej tyre janë të konfirmuar pozitivë me COVID-19, 736 raste.”
Ra në sy fakti që në Krujë, e cila prej ditësh është kthyer në një vatër të rrezikshme, nuk u shënua asnjë rast i ri.
Harta e të prekurve nga COVID-19 zgjerohet në Tiranë dhe Shkodër. Shpërndarja gjeografike e rasteve pozitive, është si vijon:
| Bashkia | Të prekur | Të shëruar |
| Tiranë | 302 | 187 |
| Shkodër | 105 | 61 |
| Krujë | 92 | 8 |
| Durrës | 42 | 37 |
| Fier | 37 | 27 |
| Kurbin | 31 | |
| Korçë | 19 | 18 |
| Elbasan | 18 | 15 |
| Kukës | 18 | 10 |
| Lezhë | 14 | 14 |
| Has | 14 | 12 |
| Kavajë | 9 | 8 |
| Lushnje | 7 | 4 |
| Vlorë | 5 | 4 |
| Pukë | 5 | 4 |
| Mirditë | 5 | 3 |
| Rrogozhinë | 4 | 4 |
| Tropojë | 4 | 4 |
| Berat | 3 | 2 |
| Mallakastër | 1 | |
| Mat | 1 |
