11 persona kanë humbur jetën dhe disa të tjerë janë plagosur, pasi një zjarr përfshiu një shtëpi të moshuarish në Japoni.
Flaket mbuluan godinën tre katëshe në orët e vona të së mërkurës, ndërsa zjarrfikësit u përballën me zjarrin deri në orët e para të mëngjesit të sotëm.
16 persona ndodheshin në banesë në momenti kur ndodhi ngjarja.
5 personat që arritën të shpëtonin, kanë marrë plagë të lehta dhe po kurohen në spital.
Autoritetet po hetojnë për zbardhjen e shkaqeve të rënies së zjarrit vdekjeprurës.
Ndërkohe, mediat japoneze raportojnë se flaket mund të jene pasoje e një shkëndije elektrike.