“Sfidoj qeverinë, mazhorancën nëse inceneratori i Elbasanit punon pas 14 Majit, jap dorëheqjen”, ka qenë kjo deklaratë e deputetit demokrat Dashnor Sula që ka sjellë reagimin e ministrit të Brendshëm, Taulant Balla.

 

Gjatë fjalës së tij, Balla i ka thënë Sulës që të mos e djegë mandatin kot, ose të shkojë ta djegë nesër, teksa ka shtuar se në impantin e mbetjeve në Elbasan do të digjen 90 ton mbeturina.

 

Dashnor Sula: Unë si deputet i qarkut të Elbasanit, sfidoj qeverinë, mazhorancën nëse inceneratori i Elbasanit punon pas 14 Majit, jap dorëheqjen. Punoi vetëm 2 javë para votimeve sepse për t’i hedhur sy të gjithë shqiptarëve dhe votuesve sepse nuk punon inceneratori i Elbasanit. Arben Ahmetaj u tregua burrë i zgjuar që iku sepse ai është tmerri juaj tani dhe do të vijë dita kur ai të denoncojë të gjitha. Do vijë dita kur të gjithë do të jepni llogari kush ka futur duart tek inceneratorët.

 

Taulant Balla: Z. Sula, mos e digj mandatin kot, ose të paktën shko e digje nesër, kur do të digjen edhe 90 ton mbetje në impiantin e trajtimit të mbetjeve në Elbasan.

 

Po të duash shko edhe sot, por sot keni çështje tjetër.

 

Ka qenë në punë. Vetëm mos na digjni “Flamurin” se ky na duhet. Por të tjerat digjini.

 

Punon o Dash! Mos bëj premtime se ia ke marrë dorën kësaj që “e lëshoj mandatin”, “e lëshoj mandatin”.

Leave a Reply

Your email address will not be published. Required fields are marked *