Kreu i kishës ortodokse në Shqipëri, kryepeshkopi Anastas Janullatos merr shtetësisë shqiptare. Dekreti është firmosur sot ne prag te festes se Krishtlindjes nga presidenti Ilir Meta.
Ne letrën qe shoqëron dekretin per shtetësinë, presidenti thekson se kryepeshkopi i Shqipërisë Janullatos, prej 25 vitesh, ka punuar me përkushtim per ringritjen e plote kanonike dhe shpirtërore te Kishës Ortodokse. Po ashtu Janullatos vlerësohet per angazhimin e palodhshëm ne funksion te forcimit te harmonisë fetare dhe përhapjen e kësaj vlere unike edhe jashtë kufijve te vendit.
Kreu i shtetit vëren ne fund te mesazhit te tij se vendimi per shtetësinë është përmbushje e nje detyrimi institucional e po ashtu edhe mirënjohje ndaj kontributit te Janullatos.
Vendimin e kreut te shtetit e ka përshëndetur ndërkohe edhe ministri i jashtëm i Greqisë, Nikos Kocias. Ne nje postim ne twitter ai shkruan se vendimi i presidentit për t’i dhënë shtetësinë shqiptare një burri të mençur si kryepeshkopi Anastas, është për t’u vlerësuar.
