Gjykata e Posaçme ka rrezuar kërkesën e dhendrit të ish-kryeministrit Sali Berisha, Jamarbër Malltezi, per kthimin e telefonit.
Malltezi kishte kërkuar kthimin e telefonit dhe kompjuterave dhe disa materialeve të tjera shkresore, të sekuestruara nga ana e SPAK.
Gjyqtarja Irena Gjoka la në fuqi masën e sekuestros me argumentin se janë sekuestruar në cilësinë e provës materiale.
Jamarber Malltezi mbahet i arrestuar për akuzën e korrupsionit dhe pastrimit të parave në lidhje me hetimet e nisura për dosjen e privatizimit te ish-kompleksit “Partizani”.
