Babai i Jackie Chan dikur e pyeste atë vazhdimisht përse pas çmimeve të shumta, të cilat i kishte marrë në mbarë botën, ai ende nuk ishte vlerësuar me një Oscar. Ai përgjigjej thjesht me një përqeshje: “Ha, ha, ha. Babi unë bëj vetëm filma aksion komedi.”
Kjo ishte një pjesë e fjalimi që Chan, 62vjeç, mbajti në fundjavë gjatë Governors Awards.
Me mbi 200 filma nën emrin e tij, gjatë një karriere 56vjeçare, Chan mori statujën e tij të artë plotësisht të merituar. Ai zbuloi se 23 vite më parë ai ishte takuar me Sylvester Stallone dhe kishte parë Oscarin e tij dhe, që nga ai moment, nisi ta ënderronte edhe vet një të tille. Kur më në fund Presidentja e Academy Awards, Cheryl Boone Isaacs e mori ne telefon, ai e pyeti: A je e sigurtë?
Nuk kishte si të mungonte në fjalimin e tij edhe nje dedikim për fansat. Chan i falenderoi duke pranuar se ata janë arsyeja përse ai vazhdon të bëjë filma, duke u hedhur nga dritaret, duke goditur e grushtuar e duke thyer kockat.
