Vrapi është një ndër aktivitetet më të zhvilluara nga njerëzit si një mënyrë për të djegur sa më shumë kalori. Megjithëse shumicës së njerëzve i pëlqejnë përfitimet e vrapimit, thuajse të gjithë e urrejnë monotoninë e këtij aktiviteti.
Por, fatmirësisht, nëse veç qëllimi juaj është të digjni kalori shpejt, nuk keni nevojë të ngecni në botën e një vrapuesi, por ka aktivitete tjera që mund t’i kryeni dhe që ju djegin shumë kalori.
Më poshtë do të lexoni veprimet që ju vijnë në ndihmë për këtë;
Boksi
Nuk keni nevojë të futeni në ring dhe të ndesheni me dikë për të humbur peshë. Mjafton ta goditni një thes të rëndë, të ushtroni me një partner apo thjesht të bëni goditje në ajër për të djegur kalori. Ekspertët thonë se aktiviteti i boksi mund t’ju ndihmojë t’i digjni deri në 800 kalori për një orë.
Ushtrimet ‘burpee’
Një person 80-kilogramësh i djegë rreth 1.43 kalori për çdo ushtrim ‘burpee’ që e bën, thonë ekspertët. Prandaj, nëse mund të qëndroni për të paktën shtatë minuta duke e bërë këtë ushtrim, atëherë numri i kalorive që do t’i digjni do të jetë dyshifror. Por ju duhet të synoni t’i bëni të paktën 10 burpee për çdo 60 sekonda, apo një shkallë prej 14.3 kalorive për minutë.
Kërcimi me litar
Me ushtrimit e kërcimit me litar ju mund t’i digjni nga 15 deri në 20 kalori për minutë. Mesatarisht një person mund t’i djegë 200-300 kalori për vetëm 15 minuta.
