Ja si do të jetë aeroporti i Kukësit, Rama publikon fotot e projektit

Aeroporti i Kukësit ka një dekadë që është ndërtuar, por që asnjëherë nuk ka qenë funksional. Ndërsa në premtimin më të fundit nga qeveria pritet që vitin e ardhshëm, aeroporti do t’i nënshtrohet një rikonstruksioni.

Përmes një postimi në Facebook, kryeministri Edi Rama publikoi një foto 3D se si do të jetë aeroporti, duke premtuar se në realitet do të jetë edhe më i bukur.

“Aeroporti i Ri i Kukësit dhe një paralajmërim: Mos përgojoni 3D se sot një vit, në realitet do jetë më i bukur se këtu”.