Kryeministri i Shqipërisë Edi Rama ka publikuar në facebook disa foto nga projekti nëntokësor i sheshit Skënderbej. Përmes një postimi në facebook Rama është shprehur se bashkëpunimi i ngushtë Qeveri-Bashki, do të sjellë që sheshi i degraduar prej disa vitesh t’u rikthehet plotësisht qytetarëve.
“Nis së shpejti ndërtimi i parkingut nëntokësor të sheshit Skënderbej “sheshi i degraduar prej disa vitesh në një kartodrom absurd do t’u rikthehet plotësisht qytetarëve, në formën e një hapësire publike pa makina e të rrethuar nga një kurorë e gjelbër, e cila do të jetë një shembull rrezatues i Rilindjes Urbane”, ka shkruar Rama.
