Temperatuarat e larta të ditëve të fundit që kanë përfshirë vendin tonë shtojnë rrezikun e zjarreve. Instituti i Gjeoshkencave, Energjisë, Ujit dhe Mjedisit bën me dije se pasditen e së mërkurës dhe nesër pritet rrezik për zjarre në qarqet Shkodër, Lezhë, Durrës, Tiranë dhe Fier.
Ndërsa më pak të rrezikuar janë Dibra, Elbasani, Berati dhe Vlora. Gjithashtu në zona të lokalizuara mund të ketë nivel më të lartë rreziku, konkretisht qarku Kukës (Qendër), qarku Elbasan (Perëndim). Rreziku do tё jetё mё i lartё gjatё ditës sё sotme.
Ndërkohë në shumicën e qarqeve të vendit pritetn reshje shiu deri lokalisht mesatare në gjysmën e tyre. Në zona shumë të izoluara, reshjet mund të shoqërohen edhe me shtrëngata, më të mundshme në zonat kodrinore-malore dhe në zonat pranë tyre, kryesisht gjatë pasditeve.
Të enjten e ardhshme temperaturat minimale dhe maksimale të ajrit pritet të arrijnë: në bregdet: 23 / 33 °C, në vendet e ulëta: 22 / 35 °C dhe në vendet malore: 15 / 29 °C.
