Dëshmitë e personave që kanë qënë në lokal mbrëmjen e se enjtes kur ndodhi përplasja e armatosur vazhdojnë të hedhin gjithnjë e më shumë dritë mbi dinamiken e ngjarjeve.
Pista kryesore vazhdon të mbetet ajo që palet janë përplasur për një ngacmim ndaj Elvana Gjatës disa kohe më parë dhe sherri ka vijuar edhe ne lokal ne ish bllok këtë të enjte.
Por a ka qënë Elvana Gjata në lokal në momentin e përplasjes me armë?
Nga të dhënat e siguruara nga Vizion Plus mësohet se këngëtarja e njohur kishte hyre në lokal 20 minuta para ngjarjes. Kishte shkuar të merrte një porosi ( një celës) tek I fejuari I saj Ervin Mata I cili ishte I shoqeruar në tavoline nga komandot Melviol Bilo e Geldi Hoti si dhe shtetasi tjeter Fabjol Alushi.
Në momentin që ka marrë porosine dhe po dilte nga lokali, bëhet e ditur se Fabjol Gaxha ka parë drejt këngëtares së njohur, gjeste këto që kanë rënë në sy të partnerit tyë saj Ervin Mata dhe miqve të këtij të fundit, cka ka sjelle edhe degjenerimin e situatës. I pari që ka kërkuar llogari ka qënë truproja e Elvana Gjatës, Melviol Bilo I cili është përplasur fizikisht me Fabjol Gaxhën dhe pastaj ka nisur shkëmbimi I zjarrit.
Ndërkohe duhet theksuar se Eljon Hato është në gjëndje kome ne Spitalin e Traumes si pasojë e plageve të shumta të marra në bark dhe fytyre ndërsa Elvis Martini është jashtë rrezikut. Ky I fundit nuk ka dhënë dëshmi por nëpërmjet avokatit mbrojtes ka mohuar të kete pasur lidhje me ngjarjen.
