Gjatë gjumit shumë nga ne e dinë se duhet të qëndrojmë shtrirë në krahun e majtë por nuk dimë të mirat shëndetsore nga ky fakt.
Sipas studimeve të fundit të bëra në lidhje me këtë fenomen të fjeturit në anën e majtë ka një sërë të mirash për shëndetin.
Nëse gjatë gjumit qëndrojmë shtrirë në anën e majtë na ndihmon në përmirësimin dhe funksionet e organeve, në krahasim me krahun e kundërt që sjell më shumë shqetësime për organizmin.
Disa nga të mirat shëndetsore të këtij pozicioni gjumi janë;
Përmirëson funksionin e sistemit tuaj limfatik
Ekspertët thonë se gypi i kraharorit (kanali më i madh i sistemit limfatik) është i vendosur në anën tonë e majtë. Kjo është arsyeja pse duke fjetur në anën tuaj të majtë mund të ndihmoni procesin e largimit të mbeturinave në mënyrë më efikase.
Shpretka do ta bëjë punën e saj shumë më mirë
Shpretka është organi më i madh në sistemin limfatik dhe është e vendosur në anën e majtë të trupit tuaj dhe punon në mënyrë më efikase. Arsyeja kryesore për këtë është graviteti që nxit rrjedhjen e gjakut në shpretkë, duke e lejuar atë të filtrojë papastërtitë më shpejt.
Nxit reduktimin e urthit
Ky pozicion mund të reduktojë urthin gjatë natës dhe mëlçia nuk do të mbingarkohet. Mëlçia është e vendosur në anën e djathtë të trupit dhe shtrirja në këtë anë e tendos këtë organ.
Të flesh në anën e majtë bën mirë për zemrën tuaj
Ana e majtë e zemrës merr gjak nga mushkëritë dhe e pompon atë në gjithë trupin. Pozicioni i majtë mund të ndihmojë zemrën tuaj që të bëjë punën e saj më lehtë dhe më me efikasitet.
