Qytetarët e Izraelit i drejtohen sot kutive të votimit në zgjedhjet e përgjithshme, të dytat këto në 6 muaj, pasi kryeministri Benjamin Netanjahu dështoi të formojë koalicionin qeverisës. Në të gjitha qendrat e votimit, procesi po shkon i qetë. Megjithatë edhe këto zgjedhje e kanë vënë Netanjahun në një presion të madh, pasi bëhet fjalë për mbijetesën politike, e kjo për shkak të akuzave ndaj tij dhe familjareve për korrupsion.

 

Sondazhet e fundit e nxjerrin partinë Likud të Netanjahut në nje avantazh mjaft të ngushtë me partinë ultra-ortodokse të ish-shefit ushtarak, Benny Gantz. Megjithatë duket se asnjëra prej tyre nuk do të arrijë të sigurojë e vetme një shumicë të qartë, e një gjë e tillë do të bëhet e ditur pas përfundimit të votimeve.

 

Zgjedhjet e prillit megjithatë e treguan qartë që popullariteti i Netanjahut ka rënë ndjeshëm. Përpjekjet për krijimin e koalicionit qeveritar dështuan pasi Avigdor Lieberman me partinë e tij të djathtë arritën marrëveshje me ultra-ortodoksët, duke sjellë dështimin e Likud dhe duke ia bere te pamundur Netanjahut mbajtjen e postit te kryeministrit. Në vend që të tërhiqej nga përpjekjet për krijimin e një koalicioni qeveritar, Netanjahu shpalli zgjedhje të reja. Nga ana tjetër në tetor pritet të fillojnë proceset e marrjes në pyetje për shkak të dyshimeve për korrupsion.

 

 

 

Leave a Reply

Your email address will not be published. Required fields are marked *