Duke filluar nga dita e diel, izraelitëve nuk do t’iu kërkohet më mbajtja e maskës jashtë.
Ministri i Shëndetësisë, Yuli Edelstein deklaroi të enjten se ai kishte udhëzuar drejtorin e përgjithshëm të ministries, Chezy Levy që të nënshkruante një dekret që i jep fund kësaj mase kufizuese, pas këshillimit me profesionistët.
Mirëpo, maskat, do të vijojnë të kërkohen në hapësirat e mbyllura publike.
Teksa fliste edhe për suksesin e procesit të vaksinimit, ai iu bëri thirrje qytetarëve që të tregohen vazhdimisht të kujdesshëm.
Vendimi ishte diskutuar për disa javë, por, autoritetet vendosën të prisnin fundin e festave kombëtare të Ditës së Përkujtimit dhe Ditës së Pavarësisë.
