Avionët izraelitë goditën mbrëmë shtëpinë e Ismail Haniyeh, kreut të Byrosë Politike të Hamasit në Gaza.
Ushtria izraelite e bëri të ditur këtë lajm, duke shtuar se shtëpia “u përdor si një infrastrukturë terroriste dhe shpesh priste takime të liderëve të Hamasit për të drejtuar akte terroriste kundër civilëve dhe ushtarëve izraelitë”.
Ushtria shtoi se duke marrë kampin e refugjatëve Shati, ushtarët gjetën dhe shkatërruan një depo armësh të forcës detare të Hamasit “që përmbante pajisje zhytjeje, pajisje shpërthyese dhe armë”.
Nga ana tjeter ushtria izraelite vazhdon operacionet e saj në spitalin kryesor të Gazës, i konsideruar si një vend strategjik ushtarak për Hamasin.
“Ne do të kryejmë një operacion të synuar në spitalin al-Shifa. Ne vazhdojmë të ecim përpara,” tha gjenerali Yaron Finkelman vonë të mërkurën në kanalin Telegram të ushtrisë. Izraeli akuzon Hamasin për përdorimin e spitalit al-Shifa si bazë ushtarake. Ushtria izraelite thotë se ka gjetur “municion, armë dhe pajisje ushtarake” atje.
