Ushtria izraelite bombardoi një depo armësh të Hamasit, njoftoi ajo.
“Aeroplanët luftarakë të Forcave Ajrore izraelite nisën një sulm disa orë më parë kundër një depoje armësh të organizatës terroriste Hamas në rajonin Deir Ali, në Sirinë jugore”, tha ushtria në një deklaratë.
“Këto armë ishin të destinuara për t’u përdorur në sulmet kundër ushtarëve izraelitë”, shtoi ushtria, duke akuzuar Hamasin dhe grupet e tjera islamike palestineze se kërkonin “të shfrytëzonin një pjesë të territorit sirian për qëllime terroriste, nën drejtimin e Iranit”.
Observatori Sirian për të Drejtat e Njeriut raportoi bombardimet në jug të kryeqytetit sirian Damaskut. Ai nuk përmendi numrin e viktimave.
Këto bombardime, sipas Observatorit, kishin në shënjestër “makinat ushtarake, hyrjen në një zonë banimi dhe një klinikë ushtarake”, ku ndodheshin luftëtarët palestinezë dhe anëtarët e Hayat Tahrir al-Sham (HTS), grupi radikal islamik që udhëheq koalicionin rebel që përmbysi regjimin e Bashar al-Assad në Siri./vizionplus.tv
