Pothuajse të gjitha fshatrat e njësive administrative të zonave malore të juglindjes së vendit janë të izoluara nga dëbora e cila ka arritur deri në 50 cm trashësi.
Më shumë se 20 mjete borëpastruese vazhdojnë të punojnë për të mbajtur nën kontroll kalimin e mjeteve në akset kryesore të juglindjes, përfshi këtu Kapshticë – Qafë Thanë.
Lexo edhe :
Related Posts
Rrugët e fshatrave turistik të Dardhës, Voskopojës e Vithkuqit janë të kalueshme por policia e qarkullimit rrugor tërheq vëmendjen që drejtuesit e mjeteve të pajisen me goma dimërore dhe zinxhirë.
Aktualisht rruga Librazhd-Steblevë është e pakalueshme, ndërsa në fshatra qarkullimi është thuajse i pamundur. Po ashtu ka patur probleme të shpërndara sa i takon furnizimit me energji elektrike./vizionplus.tv