Ivanov i njëjti, nuk do ta nënshkruajë marrëveshjen me Greqinë

Kabineti i presidentit të shtetit, Gjeorge Ivanov, deklaroi se qëndrimi I tij është i pandryshueshëm dhe se nuk do të ndryshojë, siç thotë nga asnjë lloj presioni, shantazhi dhe kërcënimi.

Kabineti i presidentit përmes një njoftimi për mediat përgënjeshtruan konfirmimet e kryeministrit Zoran Zaev, të dhëna në intervistën për televizionin grek ERT se shefi i shtetit do ta përkrahë marrëveshjen me Greqinë.

“Kryeministri Zaev me qëndrimet e tij të ndryshueshme, kontradiktore dhe konfuze vazhdon ta gënjejë dhe manipulojë opinionin e Maqedonisë, por edhe me atë grek dhe ndërkombëtar. Anëtarësimi i Maqedonisë në BE dhe në NATO, nuk duhet që të keqpërdoret për pranimin e një Marrëveshje të dëmshme me pasoja të paparashikueshme për shtetin e Maqedonisë dhe popullin e saj.”

Marrëveshja e emrit me Greqinë, është cilësuar nga presidenti Ivanov në dëm të identitetit kombëtar të Maqedonisë dhe në dëm të interesave të Republikës së Maqedonisë.