Një aksident i rëndë është regjistruar pasditen e sotme në aksin nacional Berat-Skrapar.
Dy automjete janë përplasur “kokë më kokë” me njëra-tjetrën në vendin e quajtur “Qafë Hoxhaj”.
Mjetet, njëra tip “Golf” dhe tjetra tip “Seat”, kanë pësuar dëmtime të mëdha, ndërkohë që katër shtetas (pasagjerë në të dyja mjetet) janë plagosur, mes tyre edhe dy fëmijë.
Të plagosurit janë transportuar drejt Spitalit Rajonal të Beratit dhe ndodhen nën kujdesin e mjekëve, jashtë rrezikut për jetën.
Mësohet se ka qenë mjeti tip “Golf” që vinte nga Skrapari në drejtim të Beratit dhe që drejtohej nga Xhulio Katillari ai që ka humbur kontrrollin e mjetit dhe ka hyrë në korsinë e mjetit “Seat” që drejtohej nga shtetasi italian Guido Sivori, duke e goditur fort në pjesën ballore.
