Pas më shumë se dy muajsh izolimi të rreptë në të gjithë vendin, më në fund Italia po merr frymë.
Qytetarët kanë mundur të shijojnë kafen e mëngjesit jashtë shtëpisë pasi baret dhe restorantet kanë nisur aktivitetin. Lëvizja brenda rajoneve është e lirë por gjithmonë duke respektuar distancimin fizik dhe kushtet e higjienës.
Përdorimi i maskës në publik është i detyrueshëm. Stacionet e trenave gumëzhijnë këtë të hënë ndërsa edhe besimtarët u janë rikthyer ritualeve. Nga kjo e hënë edhe muzetë si dhe atraksionet e tjera janë hapur.
