Italia do të vendosë një karantinë 5-ditore për të gjithë ata që mbërrijnë nga vendet e Bashkimit Evropian. Ministri i Shëndetësisë, Roberto Speranza do ta nënshkruajë urdhrin këtë të martë.
Ata që hyjnë në Itali duhet të bëjnë edhe tamponin gjithashtu. Pas përfundimit të karantinimit 5-ditor, udhëtarët detyrohen të kryejnë edhe një tjetër tampon.
Rreth 3 milionë persona kanë marrë deri tani dozën e dytë të vaksinës në Itali. Sipas raportit të Palazzo Chigi, numri i personave të imunizuar ka arritur në 3,037,122.
