Italia “super” ndaj Zvicrës, kalon në raundin tjetër
Italia shkëlqen ndaj Zvicrës dhe kualifikohet për në 1/8.
“ Të kaltrit” triumfuan 3-0 ndaj skuadrës së Granit Xhakës dhe Xherdan Shaqirit.
Vendasit e nisën ndeshjen me vrull duke rrezikuar disa herë në portën e Somer por pa rezultat.
Megjithatë, goli i avantazhit erdhi në minutën e 26-të me Manuel Lokatellin në një aksion spektakolar.
Futbollisti i Sassuolos shënoi edhe golin e sigurisë për Italine në nisjen e fraksionit te dytë të lojës ne nje goditje te bukur nga jashte zone.
Sulmi i skuadres se Mancinit edhe këtë herë ishte i papërmbajtshëm, pasi atëherë kur të gjithë e konsideronin ndeshjen e mbyllur, Imobile i dha goditjen finale skuadrës së Petkovic duke realizuar golin e tretë me një gjuajtje nga distanca.
Italia me gjashtë pikë në dy ndeshje siguron e para kualifikimin për në 1/8 ndërsa Zvicra sheh dhe më të vështirë tanimë kualifikimin më tej edhe pse ka shansin e fundit kundër Turqisë.
