Italia është në finalen e Euro 2020. Skuadra e Mançinit ia doli të fitonte përballë Spanjës, në një ndeshje sfilitëse.
Fati i takimit u vendos nga penalltitë, pasi koha e rregullt dhe shtesat përfunduan në barazim 1-1.
Italia ishte e para që “çoi në peshë” zemrat e tifozëve kur në minutën e 60 Kieza zhbllokoi sfidën.
Por 10 minuta para përfundimit të kohës së rregullt Morata barazoi për spanjollët, duke e çuar kështu gjysmëfinalen e parë të Euro 2020 drejt minutave shtesë.
As 30 minuta të tjera lojë nuk mjaftuan për të gjetur finalistin e parë të 11 korrikut, ndërsa kur erdhi puna te pika e bardhë e 11-metërshit, “Azzurrët” ia dolën mbanë.
Lokateli gaboi që në goditjen e parë për Italinë, por Dani Olmo gjuajti jashtë ndërsa Morata e pa veten t’i priste penalltinë Donnarumma.
Suksesin e madh të e Italisë e siguroi goditja e Jorginho-s.
Të kaltrit qëndrojnë kështu në “Wembley Stadium”, ku edhe u luajt takimi i sotëm, për të pritur kundërshtarin në finale që do të dalë nga përballja e nesërme Angli-Danimarkë.
