Agjencia italiane e Antikorrupsionit do asistojë qeverinë shqiptare në luftën kundër korrupsionit. Kreu i kësaj agjencie Raffaele Cantone është takuar me ministren e Drejtësisë Etilda Gjonaj, me të cilën diskutuan mbi përmbajtjen e ndihmës italiane në betejën kundër korrupsionit.
Zyrtari i lartë italian pasi tha se Shqipëria ka bërë hapa pozitivë, këshilloi rëndësinë e një procesi transparent e jashtë konfliktit të interesit.
Ministrja Gjonaj foli për rëndësinë e ngritjes së mekanizmave monitorues në luftën kundër korrupsionit, tashmë që pritet zbatimi i reformës në drejtësi.
Bashkëpunimi mes agjencisë italiane dhe Ministrisë së Drejtësisë do të konkretizohet me nënshkrimin e një marrëveshjeje.
