Këtë të diel nisin dhe ndeshjet e treta të fazës së grupeve në Euro 2020. Në grupin A Italia e ka siguruar tani më vendin e parë, por synimi i saj është të thellojë dhe më shumë rekordin prej 29 ndeshjes pa humbur .
Të kaltrit vijojnë të dhurojnë spektakël në fushë dhe këtë e konfirmojnë jo vetëm në lojë me dy fitoret e para 3-0 në këtë “Euro 2020”, por edhe në statistikat e frikshme. Sa i përket formacionit që dy trajnerët do të hedhin në fushë tekniku Roberto Mancini edhe këtë herë nuk do të ndryshojë skemë, pasi do të shkojë tek e preferuara e tij me 4-3-3.
Kështu gardiani që do të mbrojë katërkëndëshin e portës edhe këtë herë do të jetë Donnarumma . Ndryshime ka në mbrojtje që me dëmtimin e Kielinit, vendin e tij e merr Acerbi në qendër dhe Bonucci në qendër, ndërsa nga krahët në të majtë është Palmier dhe në të djathtë di Lorenzo.
Sa i takon mesfushës , nuk do të ketë ndryshime me Zhorzhinjo, Lokatelli dhe Barela. Ndërsa sulmit do i besohet treshes Chiesa , Belelti dhe Berardi.
Nga ana tjetër dhe uellsianët nuk kanë bërë ndryshime të mëdha krahasuar me një ndeshje më parë. Tekniku Robert Pejxh edhe këtë herë do të shkojë me skemën 4-2-3-1. Në portë si gjithmonë është shtatlarti Deni Ward. Mbrojtja ka të njëjtat emra Kris Mefam dhe Xho Rodon në qendër, ndërsa nga krahët, në të majtë Ben Dejvis dhe në të djathtët Roberts. Në mesfushë Xho Alen dhe Apadu që do të shërbejnë për Daniel James, Ramsej apo Gareth Bejl ndërsa në qendër të sulmit është protagonisti i ndeshjes së fundit Mur .
Ndërkohë po në orën 18:00 është programuar dhe ndeshja tjetër e grupit ajo mes Zvicrës dhe Turqisë. Zviceranët mbajnë gjallë shpresat për një kualifikim të mundshëm vetëm nëse sigurojnë 3 pikë nga kjo sfidë dhe Italia bën detyrën ndaj Uellsit.
