Italia jashtë botërorit, Suedia ne Rusi 2018. Pas 180 minutave loje ne takimet e playoffit te kalterit nuk arritën te shënojnë nje gol te vetëm, duke dështuar per here te pare qe nga viti 1958 te priste nje bilete per ne finalet e nje botërori.
Një verdikt i etiketuar nga gjithë shtypi ndërkombëtar si fundi i botes, e trishte dhe e pabesueshme. 0-0 ne sfidën e dyte ku duhej nje skuadër me fantazi dhe kualitet dhe jo vetëm kurajo. Dështimi i është faturuar nje emri, tekniku Ventura shkaktar i skemave te ndryshme ne çdo ndeshje, formacion i ndryshëm, por edhe mungesa e eksperiencës per ndeshje te tilla.
Ne San Siro te zotet e shtëpisë u mundua te krijonin shume raste, por pa qene asnjëherë te rrezikshëm ne portën kundërshtare. Për here te pare pas 60 vjetësh kombëtarja qe kishte fituar 4 here kupën e botes qëndron ne shtëpi. Mbi te gjitha ky eliminim i Italisë do te mbahet mend ne memorien e te gjithëve me foton emblematike te Bufon ne lot qe tashme i duhet t’i hapi rrugën te rinjve se bashku me De Rosin, Barzalji dhe Kielinin per te formuar skuadrën e re pas këtij dështimi.
Por kush pritet te jete emri i cili do te ringreje Italinë per kampionatin europian 2020. Emri me i përfolur ne keto moment është Karlo Anceloti, ndërsa pëlqehet edhe nje rikthim i Antonio Konte. Alternativat e tjera janë Roberto Mancini e Masimiliano Alegeri.
