50% e shkëmbimeve tregtare Shqipëria i ka shtetin fqinj Italinë. Por pavarësisht vlerësimit që i është bërë këtij vendi në zgjedhjen e produkteve, por edhe në punët që kanë marrë eksportuesit tanë me materialet porositës, kamionët që transportojnë mallra në këtë vend duhet të paguanin për çdo rrugë vajtje – ardhje një taksë mesatare prej 160 eurosh. Që prej vitit 1953, Italia e futi Shqipërinë në listën e vendeve si Libia, Iraku etj, të cilët penlizoheshin nga kjo tarifë. Por nga data 20 shtator, asnjë transportues shqiptar nuk do ta paguajë më taksën fikse të kufirit. Ministri i Financave Arben Ahmetaj thotë se përfituesit më të mëdhenj të këtij lehtësimi janë eksportuesit fasonë, të cilët kanë shkëmbimet më të mëdha me Italinë. Nga heqja e kësaj tarife, biznesi shqiptar kursen 15 milion euro çdo vit. Edhe Ministria e Transporteve ka njoftuar të gjitha Shoqatat e Transportuesve përmes një njoftimi publik për heqjen e kësaj takse. Kjo ka qenë një kërkesë e hershme e bizneseve, të cilët paguanin kosto shtesë për çdo rrugë që bënin me Italinë.
