Gjate punimeve te Samitit te Triestes, kryeministri Edi Rama, ka zhvilluar një takim me kreun e qeverisë së re të Maqedonisë Zoran Zaev. Përmes një shënimi në Facebook, Rama sqaron se ky takim vjen në funksion të forcimit të miqësisë dhe thellimit te gjithanshëm të bashkëpunimit mes dy vendeve. Shefi i qeverise shton se takimi u krye me urimin që faqja e re e premtuar nga kryeministri Zaev në marrëdhëniet ndëretnike mes dy popujve që formësojnë Maqedoninë mike, të shkruhet me vepra të prekshme për gjithë shqiptarët, të cilët jetojnë në shtetin fqinj.
