Katër persona të maskuar dhe të armatosur i zunë rrugën një furgoni që po transportonte para në Itali, ku dyshohet se janë vjedhur 2.3 milion euro.
Ngjarja ka ndodhur mëngjesin e kësaj të mërkure në Bari, ku sipas mediave italiane hajdutët me ndihmën e fadromave çanë trupin e tij dhe morën paratë.
Ndërkohë pas grabitjes, hajdutët dogjën dy automjete përgjatë rrugës për të bllokuar trafikun dhe për ta bërë të pamundur ndjekjen e tyre nga policia.
Furgoni ishte drejtuar për në Matera për të furnizuar zyrat postare me paratë e pensioneve. Gjithashtu brenda automjetit të blinduar ndodheshin tre roje sigurie, të cilët fatmirësisht nuk pësuan asnjë lëndim nga fadromat.
