Pritshmëri te larta mbrëmjen e sotme ne Bordo per te atë qe jo me kot konsiderohet finalja e parakohshme e euro 2016, supersfida mes Italisë e Gjermanisë. Die Manschaft e drejtuar nga Hoakim Lev, ne cilësinë e skuadrës kampione te botes, synon te tejkaloje macen e saj te zeze, Italinë, te cilën nuk e ka mundur dot ne asnjë rast ne turnetë prestigjioze te futbollit. Ne anën tjetër, te besuarit e Antonio Contes, qe e nisin turneun pa shume pretendime dhe jo te cilësuar mes favoriteve kryesore do te përpiqen te përsërisin nje nga sfidat e tyre cinike për te kaluar edhe ketë here pancerat. Parashikimet e basteve favorizojnë Gjermanet per nje fitore, por ne nje përplasje te tille gjithçka mund te ndodhe. Sfida është ndezur ne maksimum jo vetëm nga deklaratat e protagonisteve, por mbi te gjitha nga mediat, aty ku tablloidet gjermane kane qene edhe me agresive. Per t’u veçuar titulli i Berliner Zeitung, “Italiane, sot mamaja nuk do t’ju ndihmoje”. A do te ndodhe vërtet kështu, apo e kundërta? Na mbetet ta mësojmë sonte, duke nisur nga ora 21:00.
Itali-Gjermani, çerekfinalja që premton spektakël
