Presidenti Italian pritet te dekretoje kryeministrin e ardhshëm të vendit, ndërsa një ditë më parë Lëvizja “5 Yjet” dhe Lega Nord propozuan emrin e Giuseppe Conte.
Dy partitë kanë hedhur kështu një tjetër hap të rëndësishëm drejt zbatimit të marrëveshjes qeverisëse e rikthimit te normalitetit. Giuseppe Conte është një avokat me reputacion, por një emër pothuajse i panjohur në politikën italiane. 54-vjeçari nga rajoni i Puglia-s është diplomuar në universitetin La Sapienza në Romë dhe më tej ka thelluar studimet në Institutin Ndërkombëtar te Kulturës në Vjenë Sorbonne në Francë, Cambridge dhe New York University.
Edhe pse konsiderohet se ka një CV shumë të pasur, nuk kanë munguar zërat kritikë të cilët thonë se ai nuk ka ide për politikën.
Megjithatë kreu i Lëvizjes 5 Yjet dhe Lega Nord e kanë prezantuar me krenari dhe shumë siguri kandidaturën, duke shpresuar për një balancim të situatës politike në vend. Pas marrjes së firmës nga presidenti Sergio Mattarella, do të nisë puna për miratimin e Kabinetit Qeveritar. Ndërkohë programi politik i përbashkët i ka thënë jo daljes nga euro. Është konfirmuar taksa e sheshtë, të ardhurat e shtetësisë dhe masa shtrënguese shtesë ndaj emigracionit.
