Policia italiane ka zbardhur detaje të reja nga operacioni antidrogë në Foggia, ku u çmontua një organizatë trafiku ndërkombëtare.
Sipas mediave të huaja, janë ekzekutuar 24 masa paraprake, ku 19 persona janë lënë në burg dhe 5 të tjerë në masën “arrest shtëpie”, me akuzën e trafikimit, posedimit dhe shpërndarjes së narkotikëve.
Hetimi nga Zyra e Prokurorit të Foggias dokumentoi ngjarje që dyshohet se kanë ndodhur midis majit 2024 dhe prillit 2025. Të dyshuarit janë të moshës nga 23 deri në 61 vjeç, ku mes tyre 7 janë shqiptarë.
Hetimi filloi me mbikëqyrjen e një burri 36-vjeçar shqiptar me precedent penal, i cili besohet të jetë pika qendrore e aktivitetit të trafikimit të drogës, veçanërisht kokainës, në zonën e Foggia.
I dyshuari, mësohet se e ka blerë drogën me shumicë përmes bashkatdhetarëve të tij me bazë në Italinë veriore. Rrjeti i trafikimit të drogës lejonte që 5 deri në 10 kg kokainë të hynin në provincën e Daunias në muaj, të blera për mbi 22 euro për gram dhe të rishitura me një çmim që ndryshonte në varësi të sasive të kërkuara, midis 30 dhe 50 euro për gram, duke gjeneruar fitime mujore të vlerësuara në rreth 200 mijë euro.
Shqiptarët i sillnin fitimet me autobus ose kamione drejt vendit tonë dhe ilegalisht. Ndërkohë mes të arrestuarve ka edhe shtetas të kombësive të tjera, kryesisht nga Evropa Lindore.
/vizionplus.tv
