Itali, aeroportet në grevë

Transporti ajror ka pësuar një krizë fluturimesh si pasojë e grevës së përgjithshme që ka nisur sot në orën 10:00. Grupet sindikaliste të kontrollorëve të fluturimeve, si dhe të personelit të shërbimeve në aeroporte kanë organizuar grevën në shenjë proteste për kontratat e punës për punonjësit e sektorit ajror, si dhe investimet e parashikuara në planin industrial.

Mbi 700 fluturime të kompanive të ndryshme ajrore janë anuluar e mes tyre edhe ato nga Tirana në Itali, si dhe nga aeroportet italiane drejt Rinasit.

Kompania Alitalia deri më tani ka informuar anulimin e 230 fluturimeve kombëtare e ndërkombëtare, mes të cilave edhe udhëtimet e programuara sot nga Tirana në Fiumicino.

Greva në nivel kombëtar i aeroporteve italiane është programuar të zgjasë deri në orën 18.00.