Shënjestra e radhës e Shtetit Islamik do te jene plazhet europiane, veçanërisht ato te Spanjës, Italisë dhe jugut te Francës. Gazeta gjermane “Bild”, e cila u referohet burimeve pranë shërbimeve sekrete italiane e qe kane kontaktuar me ato gjermane, ka dhëne alarmin per sulme te mundshme terroriste. Duke cituar eksperte te sigurisë, gazeta shkruan se militante islamike te veshur si shitës ambulante, mund te shpërthejnë veten ne mes te turmave ne këto plazhe te frekuentuara nga turiste te shumte. Këto sulme ne plazhe mund te jene te ngjashme me atë te ndodhur ne nje resort ne Tunizi, vitin e kaluar. Terroristet janë te gatshëm te përdorin arme dhe eksploziv. “ISIS ne kete mënyre synon ta përhape terrorin ne nje tjetër dimension. “Plazhet nuk mund te mbrohen”, tha nje ekspert sigurie i cituar nga “Bild”. Megjithatë pas lajmit te publikuar nga gazeta gjermane, disa media ne Itali kane cituar burime te inteligjencës se këtij vendi, sipas te cilave nuk ka ndonjë alarm specifik dhe nuk ekzistojnë informacione te ketij lloj, qe u jane përcjelle kolegeve gjermane.
