Kryeqyteti irakian Bagdad është përgjakur mëngjesin e kesaj te diele nga dy shpërthime, qe u kane marre jeten mbi 125 personave dhe kane plagosur me shume se 130 te tjere. Sulmet jane marre përsipër nga Shteti Islamik, qe vetëm gjate ditëve te fundit ka kryer dy masakra, ne Stamboll dhe Daka ne Bangladesh. Ne shënjestër te sulmeve ne Irak ka qene popullsia shiite. Nje kamion frigorifer i mbushur me eksploziv shpërtheu prane nje restoranti dhe nje zone tregtare ne qendër te qytetit, ku u shënua edhe pjesa me e madhe e viktimave. Ndërsa bomba e dyte shpërtheu prane nje tregu te populluar ne nje lagje Shiite. Mes viktimave ka edhe shume femije. Shpërthimet kane ndodhur ndërsa besimtare te shumte ishin mbledhur ne bare per te konsumuar ushqim përpara nisjes se nje dite tjeter agjërimi ne fund te muajit te Ramazanit. Shume ndërtesa u dëmtuan si pasoje e shpërthimeve. Mediat raportuan se pas këtyre ngjarjeje, turma njerëzish te zemëruar qëlluan me gurë e tulla eskortën e kryeministrit Haider Al Abadi, qe vizitoi nje nga vendet e shpërthimeve. Këto jane sulmet me te përgjakshme ne vend qe kur forcat irakiane larguan nga Falluxha militante e Shtetit Islamik. Por pavarësisht dëbimit nga ky qytet, ISIS kontrollon ende pjese te mëdha te territorit ne veri dhe perendim te vendit, përfshire Mosulin, qytetin e dyte per nga madhësia.
