Masakër ne kryeqytetin iraken Bagdad. Nje autobombe ka shpërthyer ne nje treg te mbipopulluar, duke shkaktuar dhjetëra te vrare e te plagosur. Pas sulmit ne distriktin shiit Sadr City qëndron Shteti Islamik. Mes viktimave ka edhe gra e fëmije. Sipas informacioneve ne makine ishte vendosur nje sasi e madhe eksplozivi. Shpërthimi ishte i fuqishëm dhe shkaktoi dëmtime te disa automjeteve dhe ndërtesave pranë vendit te ngjarjes. Gjendja e disa prej te plagosurve eshte kritike.
Zonat tregtare jane shënjestër e zakonshme e militanteve te ISIS ne Irak. Ne muajin shkurt ne dy sulme me bomba gjeten vdekjen 70 persona. Forcat qeveritare irakiene te mbështetura nga sulmet ajrore te koalicionit ndërkombëtar dhe paramilitaret shiite kane rimarre ne kontroll disa territore, qe mbaheshin nga shteti islamik ne vitin 2014, por nuk kane mundur te parandalojnë sulmet me bomba ne kryeqytet. Përmes tyre militantet e ISIS janë përpjekur te shpërqendrojnë qeverinë nga ofensiva kundër tyre.
ISIS, masakër në Bagdat
