Shtetet e Bashkuara të Amerikës konfirmojnë se ISIS ka humbur gjysmën e territorit në Irak dhe 1/3 e saj në Siri. Lajmi është konfirmuar nga zëdhënësi i pentagonit, Piter Kuk. Sipas zyrtarit amerikan, shteti islamik ka pësuar humbje ne sasi të konsiderueshme të parave dhe të rezervave të naftës, të cilat vazhdimisht ishin në shënjestër të sulmeve ajrore amerikane. Vetëm ne muajin prill nga bombardimet amerikane u shkatërruan afro 800 milion dollarë kesh. Prej gushtit të vitit 2014 SHBA kryeson koalicionin ndërkombëtar që ka kryer sulme ajrore mbi Siri dhe Irak.
