Ishte shpallur në kërkim nga Italia, arrestohet 34-vjeçari në Elbasan

Policia e Elbasanit ka arrestuar një 34-vjeçar, i cili ishte shpallur në kërkim ndërkombëtar për trafikim lëndësh narkotike.

Bëhet fjalë për shtetasin me iniciale P.H., arrestimi i të cilit u bë me qëllim ekstradimi drejt Italisë.

Gjykata e Brescias, në Itali, i ka caktuar masën e sigurisë “Arrest në burg” në shkurt të vitit të kaluar për veprën penale “Trafikimi i lëndëve narkotike”./ Vizion Plus