Ishte infektuar me COVID-19, shërohet pacientja zero në Maqedoninë e Veriut

Pacientja e parë me koronavirus në Maqedoninë e Veriut ka lënë ambientet e spitalit, pasi është shëruar dhe do të trajtohet nga shtëpia.

Lajmi shpresëdhënës është dhënë nga Ministria e Shëndetësisë, e cila theksoi se pacientja zero ka lënë spitalin pas rezultateve negative të testeve.

Ndërkohë, gjendja  e pacientëve të tjerë të infektuar me Covid-19 është e qëndrueshme.

Në Maqedoninë e Veriut janë 19 persona të infektuar. Këtë të hënë pritet të dalin rezultate për tre persona nga Dibra që po kurohen.