Ishte i dehur/ Vlonjati plagos me çifte motrën e tij

Një 60-vjeçar ka qëlluar me armë gjahu motrën e tij, duke e lënë të plagosur. Ngjarja ka ndodhur pasditen e kësaj të premte në fshati Bishan të Vlorës.

Dyshohet se gjatë një konflikti të çastit për motive të dobëta, S. D. plagosi me çifte motrën e tij, 66-vjeçaren me iniciale B. H.

Ajo është dërguar në spital dhe ndodhet nën kujdesin e mjekëve, jashtë rrezikut për jetën.

Nga veprimet e para hetimore, mendohet se autori ka qenë nën efektin e alkoolit.