Një 64-vjeçar ka humbur jetën ditën e sotme në Shushicë të Elbasanit. Ndërsa ishte duke punuar në shtëpinë e motrës së tij, një nga kolonat është shembur dhe e ka zënë poshtë.
Si pasojë 64-vjeçari ka humbur jetën, ndërkohë që policia po heton ngjarjen.
Njoftimi:
Më datë 12.03.2024, rreth orës 16:10, në fshatin Shushicë, shtetasi F. F., 64 vjeç, gjatë kohës që ka qenë duke sistemuar disa materiale ndërtimi, në banesën e pabanuar dhe të amortizuar, në pronësi të kunatit të tij (burrit të motrës), është shembur një kolonë e banesës. Si pasojë 64-vjeçari është dëmtuar dhe ka humbur jetën.
Grupi hetimor po punon për sqarimin e rrethanave të ngjarjes.
