Ishte dënuar për kanosje, pranga sarandiotit

Një 33 vjeçar ka rënë në prangat e policisë së Sarandës pasi ishte shpallur në kërkim.

Shtetasi i arrestuar është me inicialet S.I., banues në Sarandë.

Ky shtetas, sipas policisë, ka qenë i shpallur në kërkim për ngjarjen e datës 08.02.2019, ndodhur në Ksamil të Sarandës, ku në bashkëpunim me shtetasin A.L (i arrestuar në flagrancë në kohën e ndodhjes së ngjarjes), kanë kanosur me armë zjarri dy shtetas të tjerë për motive të dobëta.

33 vjeçari është dënuar me burg nga Gjykata e Rrethit Gjyqësor Sarandë pasi akuzohet për veprat penale “Kanosje”, “Prishje e qetësisë publike” dhe “Prodhimi dhe mbajtje pa leje e armëve luftarake dhe municionit”.