Ishin shpallur në kërkim për plagosje e dhunë në familje, arrestohen 2 fierakë

Policia e Fierit ka arrestuar 2 persona të shpallur në kerkim për plagosje të lehtë me dashje dhe dhunë në familje.

Në pranga përfundoi 41-vjeçari me iniciale E.Z., i cili ishte dënuar nga Gjykata me 2 muaj burg për veprën penale “Plagosje e lehtë me dashje”.

Po ashtu, është arrestuar edhe 36-vjeçari I.Gj., pasi ka ushtruar dhunë ndaj bashkëshortes së tij, shtetases S. Gj., 32 vjeçe.

Materialet i kaluan Prokurorisë pranë Gjykatës së Shkallës së Parë Fier për veprime të mëtejshme proceduriale.