‘Ishim në gjumë, vajza e vogël u tremb shumë”/ Flet djali i pronarit të servisit që iu vendos tritol në Lezhë
Një sasi eksplozivi shpërtheu pak pas mesnate në Ishull Shëngjin.
Lënda plasëse iu vendos një servisi automjetesh në pronësi të 58-vjeçarit Tol Mhillaj. Nga shpërthimi u shkaktuan dëme të shumta materiale, ndërsa fatmirësisht nuk pati të lënduar.
Kjo, pasi familja e 58-vjeçarit jeton në katin e dytë të godinës. Ata ishin të gjithë në gjumë në momentin kur ndodhi ngjarja.
Sipas djalit të Tol Mëhillajt, shpërthimi ishte i fuqishëm. Ai mohoi që familja e tij të ketë konflikte me persona të tjerë.
KLAUDIO MËHILLI – DJALI I TOL MËHILLAJT
Shpërthimi ishte i fuqishëm, dhe u tronditëm të gjithë ndërsa vajza e vogël u tremb shumë. Në moment dolëm e gjithë familja jashtë dhe pamë xhamat e thyer të objektit. Ne nuk kemi asnjë konflikt. Shpresojmë që ta gjejë policia
Mësohet se kamera e sigurisë së një objekti arriti te fiksojë autorët. Dy persona me një motor dhe me skafandër, pasi vendosën eksplozivin u larguan me shpejtësi dhe disa sekonda më pas ndodhi shpërthimi.
