Një ish-prokuror është gjetur i vdekur në banesën e tij. Ngjarja e rëndë është shënuar paraditën e kësaj të enjte në Prizren.
Vdekja e Agron Matjanit është raportuar nga familjaret e ish prokurorit ndërsa ka dyshime për shkaqet e vdekjes së tij.
Matjani ishte duke u gjykuar nën akuzat e Prokurorisë se në disa raste penale, në cilësinë e personit zyrtar – prokuror, në mënyrë drastike e ka zbutur kualifikimin penal të veprës, në kundërshtim me ligjin.
Në këtë mënyrë për ata që ishin nën akuzë ish prokurori dyshohet se kishte siguruar dënime shumëfish më të lehta sesa e parashikonte ligji për veprat penale të cilat i kanë kryer.
