Ish-komandanti i UÇK-së Fatmir Limaj i pafajshëm ndaj akuzave për krime lufte

Ish-komandanti i UÇK-së Fatmir limaj është shpallur i pafajshëm. Ai akuzohej për krime lufte për vrasjen e dy civilëve gjatë luftës në Kosovë.

Sipas vendimit të gjykatës themelore të Gjakovës, thuhet se në mungesë të provave për të vërtetuar elementet e veprës penale, Limaj shpallet i pafajshëm. Ish-komandanti i UÇK-së është përballur edhe dy herë tjera me akuza për krime lufte.

Në vitin 2003 Limaj  ishte akuzuar për krime lufte edhe nga tribunali ndërkombëtar i Hagës, por në vitin 2005 u shpall i pafajshëm.