Pavarësisht se Irina nuk ka shumë ditë, që ka sjellë në jetë fëmijën e saj të parë me aktorin Bradley Cooper, modelja duket se ka marrë veten menjëherë.
E! Online ka shkrepur disa foto të modeles 31-vjeçare, teksa lëviz në publik me bashkëshortin. Nga këto fotografi mund të shihet se Shayk është në formë të mirë fizike, ndryshe nga ç’jemi mësuar të shohim zakonisht te nënat e reja.
Ajo shfaqet e veshur me të zeza dhe me syze dielli, por në pamje të parë duket se e ka marrë veten nga periudha e vështirë.
Për herë të parë, modelja e tregoi shtatzëninë e saj teksa kalonte në pasarelën e “Victoria’s Secret Fashion Show”, në nëntor të vitit të kaluar. Dhe para dy javësh, Irina dhe Bradley pritën beben e tyre të parë dhe, mesa kanë thënë, nuk do të jetë i vetmi.
