Lideri suprem iranian, ajatollahu Ali Khamenei, kërkoi sot ndalimin e prodhimeve të huaja, ekuivalenti iranian i të cilave ekziston dhe për të luftuar kundër kontrabandës që fitonte miliarda dollarë, gjatë një fjalimi me rastin e Vitit të Ri shiit (Novruzin).
“Importi i prodhimeve, ekuivalenti iranian i të cilave ekziston duhet të konsiderohet si i ndaluar nga ana fetare dhe ligjore. Çdo gjë që prodhohet në Iran nuk duhet të importohet”, deklaroi Khamenei gjatë një fjalimi në qytetin e shenjtë të Machhadit dhe publikuar nga televizionit shtetëror IRIB.
Khamenei i ka kërkuar veçanërisht qeverisë të marrë masa për të penguar kontrabandë ne prodhimeve të huaja që përbëjnë çdo vit 15 miliardë dollarë.
“Disa shifra zyrtare nuk janë bindëse (…) Duhet të rrisim përpjekjet. Ato tregojnë se inflacioni është ulur, por në të njëjtën kohë papunësia është rritur. Rritja ekonomike është pozitive, por investimet janë negative”, theksoi ai.
“Ekspertët ekonomikë theksojnë se problemi kryesor i vendit është recesioni dhe papunësia dhe kanë arsye”, shtoi ai.
Khamenei i kërkoi qeverisë të marrë masa për të mbështetur prodhimin kombëtar dhe krijimin e vendeve të punës, ndërkohë që papunësia ka arritur nga 10,5 për qind tre vjet më parë në 12,7 për qind sot. Papunësia e të rinjve mbetet 27 për qind.
