“International Champions Cup” në Tring

Duket se do te jete sfida me e madhe e futbollit mes dy trajnerëve rivale, lider te lindur, por shume te ndryshëm si ne stilin e jetesës ashtu dhe te mendimit. Te gjithë presin me padurim përplasjen e sezonit te ardhshëm ne Premier League mes Mancheter Cityit te Pep Guardiola dhe Manchester United te Hoze Murinjo. Sfidën e pare e ka hedhur tekniku spanjoll, i cili ka deklaruar se skuadra e tij akoma nuk ka filluar te mendoje per Champions League por te paktën ngushëllohet, po te mendosh se “djajtë e kuq” do te marrin pjese ne turneun e vogël te evropianit sezonin e ardhshëm. Te dy skuadrat kane filluar punën diten e djeshme, ndërkohe qe kane nisur manovrat per te forcuar ekipet. Hoze Murinjo ka afruar ne skuadër Zlatan Ibrahimoviç, i rrëmbeu Borusia Dortmund talentin Henrik Miktarian ndërsa Vijarealit lojtarin nga Bregu i Fildishte Eric Beily. Te ashtuquajturit “citizens” u kundërpërgjigjen me Gundogan nga Dortmund, sulmuesin Nolito dhe talentin Zanchenko. Ëndrra e Hoze Murino është Pol Pogba per te cilin është i gatshëm te ofroje 80 milionë sterlina. Operacioni i ardhshëm per Guardiolen është mbrojtësi i Everton Stones, dhe 20-vjeçari i Shalke, Leroi Sane. Duket se rivaliteti është edhe ne media. Guardiola u prezantua përballe 7 mije tifozëve ne akademinë e Man.City. Per Hoze Murinjon do te jete i gjithë stadiumi “Old Traford”. Takimi pare do te jete 22 korrik ne Pekin ne sfidën e vlefshme per “International Champions Cup” pikërisht ne stadiumin “Foleja e zogut”, nje emër qe është e kundërta për rivalitetin qe kane këto dy skuadra dhe këta trajnerë. Te gjitha takimet e këtij turneu prestigjioz ku marrin pjese ekipet me ne zë te Evropës dhe jo vetëm, duke filluar qe nga 22 korriku e deri ne 13 gusht te apasionuarit e futbollit do te kenë mundësi t’i ndjekin drejtpërdrejt dhe ekskluzivisht ne platformën Tring.